ონლაინ დახმარება
სასარგებლო რჩევები

მოამზადეთ თქვენი ბინის ინტერიერი საგაზაფხულოდ

  • უკვე განაახლეთ თქვენი სახლი საგაზაფხულოდ? თუ ჯერ კიდევ არაფერი შეგიცვლიათ ზოდი გთავაზობთ ცნობილი ინტერიერის დიზაინერების რჩებეს, თუ როგორ შევეგებოთ გაზაფხულის მზიან დღეებს.

  •  განაახლეთ დეკორატიული ბალიშები, ფარდები და საძინებლის თეთრეული ნათელი ფერებით;

  •  გამოიყენეთ მცენარეები გაზაფხულის ცოცხალი ატმოსფეროს შესაქმნელად. 

  •  გადააადგილეთ ავეჯი სასტუმრო ოთახში;

  •  დაამატეთ რამდენიმე ფერი თქვენს ინტერიერს-ფერადი აქსესუარები უსწრაფესი გზაა განახლებისათვის და ყვავილის ლარნაკები, ფერადყდიანი წიგნები და ინტერიერის აქსესუარები უმოკლეს დროში მატებს სახლს ნათელ ფერებს.

  •  შეცვალეთ სურნელოვანი სანთლები ციტრუსის არომატის მქონე სანთლებით.

ფერთა შეხამება ინტერიერში

►ინტერიერის დიზაინერების აზრით, თეთრი ფერი ინტერიერში ყოველთვის კარგად გამოიყურება და ამასთანავე ახალისებს საერთო დეკორს. ასევე, ვიზუალურად ადიდებს სივრცეს და ხაზს უსვამს ინტერიერში გამოყენებულ ყველა დანარჩენ ფერს. თქვენ რა აზრის ხართ?

როგორ მოვაწყოთ ოთახის ვიწრო კუთხე?

►ზოდი გირჩევთ ვიწრო კუთხეში სკამის ნაცვლად დადგით დივანი ან ორადგილიანი სავარძელი, რომელიც ბოლომდე შეავსებს ადგილს და დააწყვეთ ზედ დიდი ზომის ბალიშები. ამ გზით პატარა კუთხე უფრო დიდი, კომფორტული და მყუდრო გამოჩნდება.

 

როგორ მოვაწყოთ მყუდრო გარემო პატარა ბინაში

► ისეთ ბინაში, რომელსაც დაბალი ჭერი აქვს, სივრცის ვიზუალურად გასაზრდელად ეცადეთ მცირე ზომის ნივთები, მაგალითად, იატაკის განათება ან დაბალსაზურგიანი დივანი რაც შეიძლება მაღალი ნივთებით დააბალანსოთ.  
►დაბალჭერიან სახლში სიმაღლის გაზრდა ,ასევე, შეიძლება შპალერის დახმარებით, რომელსაც ვერტიკალური ზოლები აქვს. ვერტიკალური ხაზები ვიზუალურ ეფექტს ქმნის და ოთახს უფრო მაღალს აჩენს. ასევე, შესაძლებელია ჭერზე ბარისოლის ტიპის გამოყენება. ბარისოლი არის მასალა, რომელსაც ამრეკვლი ზედაპირი აქვს და ამ ზედაპირით კი იქმნება ილუზია,თითქოს, სივრცე და ჭერის სიმაღლე უფრო იზრდება. თქვენს ინტერიერში ამ ორი ელემენტს გამოიყენებთ სივრცეს ვიზუალური ეფექტით გაზრდით.

რა ვქნათ იმისათვის, რომ პატარა ბინა ვიზუალურად დიდი გამოჩნდეს

    1. პატარა ბინის დიზაინის საუკეთესო სტილია მინიმალიზმი - ყველაზე საუკეთესო მაგალითია იაპონური ტრადიციული ინტერიერი. თუ ერთიანად ვერ შეძლებთ ინტერიერის განთავისუფლებას, პერიოდულად მაინც გაიტანეთ არასაჭირო ნივთები ბინიდან.
    2. როგორ პარადოქსულადაც არ უნდა მოგეჩვენოთ, პატარა ბინა გააწყვეთ მცირე რაოდენობის დიდი საგნებით, ვიდრე ბევრი და პატარათი.
    3. ჩვეულებრივი ფარდების ნაცვლად გამოიყენეთ რომაული ჟალუზები ან რულონური ფარდები.
    4. პატარა ბინის სივრცე გამოიყენეთ არა მარტო ჰორიზონტალურ სიბრტყეში, არამედ ვერტიკალურშიც: ვიწრო გასასვლელების ჭერთან მოაწყვეთ თაროები და განალაგეთ მათზე ნივთები, რომლებითაც არ სარგებლობთ ყოველდღიურად.
    5. საკმაო სივრცეს მიიღებთ, თუ შეძლებთ ჩვეულებრივი გასახსნელი კარის გადაგეგმარებას გასაგორებელ კარებზე, ან მოაწყობთ ჩაშენებულ კარადას.
    6. სივრცის ვიზუალური გადიდების საუკეთესო საშუალებაა ინტერიერში დიდი ფორმატის სარკეების გამოყენება. მათი მონტაჟი შესაძლებელია როგორც კედლებზე, ასევე ჭერში. სარკის სიბრტყეები დაგეხმარებათ კედლების „გადაწევაში“ და სივრცის გაზრდაში. ასეთივე ეფექტს მიიღებთ, თუ კედლის გასწვრივ მოაწყობთ კუპე-კარადას, სარკიანი გასაგორებელი კარების გამოყენებით.

სასარგებლო რჩევები ჩვენგან, რომელიც უნდა გაითვალისწინოთ კარის შეძენისას

აუცილებლად გაითვალისწინეთ ჩვენი რჩევენი კარის შეძენისას და თავიდან აირიდებთ დაუგეგმავ ინციდენტებს !

• თუ სახლის რემონტი გადაწყვიტეთ და შიდა კარი ჯერ არ შეგირჩევიათ, გირჩევთ თავიდანვე დაიჭიროთ თადარიგი და სიცარიელე ( ღიობი) კედელსა და კედელს შორის სიგანეში დატოვოთ 82 სმ–ზე (ანუ 1–1 სმ–ით მეტი უნდა იყოს სივრცე დატოვებული 220/80სმ ზომის კარის შეძენისას), ხოლო სიმაღლეში დაგებული იატაკიდან 221სმ– ზე, რათა კარს არ დაჭირდეს კორექტირება. 
• აუცილებლად კარის დამონტაჟებისას იატაკი უნდა იყოს დაგებული, კედელი გალესილი და მშრალი. რემონტისას კარი უნდა ჩაისვას ყველაზე ბოლო ეტაპზე.
• თანამედროვე სტანდარტებით კარის ზომებია 220/70/80/90სმ