საუკეთესო კარები ზაფხულისთვის

როდესაც ჩვენი სახლის კარზე ვფიქრობთ, ხშირად წარმოვიდგენთ შემოსასვლელ ან ეზოს კარს. მაგრამ, ინტერიერის კარი კომფორტისა და სტილის შექმნის უმნიშვნელოვანესი დეტალია, რადგან, სწორედ ინტერიერის კართან გვაქვს ადამიანებს ყველაზე ხშირი შეხება. ზაფხულის ცხელ დღეებში კი სწორად შერჩეულ კარს განსაკუთრებული მნიშვნელობა აქვს.

ბლოგში ვისაუბრებთ იმ დეტალებზე, რაც აუცილებლად უნდა გავითვალისწინოთ, როცა საზაფხულოდ საუკეთესო კარის ყიდვას გადავწყვეტთ.

იდეალურად მორგება

როდესაც ოფისის ან სახლისთვის ინტერიერის კარს ვარჩევთ, აუცილებელია დავრწმუნდეთ, რომ ის იდეალურად ერგება ღიობს. ამისთვის კი აუცილებელია ზუსტად გაიზომოს თავად ღიობი. ამის შემდგომ კი მაქსიმალური ყურადღება სწორ მონტაჟს უნდა დავუთმოთ – თუ ჩვენი კარი არასწორადაა მორგებული, ის ცუდად დაიხურება და მალე გაცვდება. გარდა ამისა, მარტივად გაატარებს ჰაერსაც. თუკი, მაგალითად, ოთახის ან ოფისის გაგრილებას ვაპირებთ, ჰაერის ნორმაზე მეტად გატარება მინიმალურ დონეზე უნდა დავიყვანოთ.

იზოლაცია

ყველა კარი, მათ შორის ყველაზე თანამედროვეებიც, გარკვეული ხარისხით ატარებს ჰაერს. თუმცა ეს არ ნიშნავს, რომ მათ შორის განსხვავება არ არსებობს. თუკი ჩვენი ამჟამინდელი კარები იზოლაციის მხრივ არ დაიკვეხნის, შესაძლებელია მათ გამოცვლაზე ფიქრი. თუ ამა თუ იმ ოთახში კონდიციონერის დამონტაჟებას ვგეგმავთ, ოთახის კარგი იზოლაცია ხარჯების შემცირებაში დაგვეხმარება.  კარის სწორი იზოლაცია გვეხმარება ტემპერატურის შენარჩუნებაში და მას სხვა მრავალი პლიუსი აქვს.

გამძლეობა

ახალი კარის შეძენისას ყოველთვის უნდა გავითვალისწინოთ გამძლეობის ფაქტორიც. უნდა დავრწმუნდეთ, რომ მსუბუქი ზემოქმედების შედეგად კარი არ იღუნება. ინტერიერის კარი უფრო ხშირად გამოიყენება, ვიდრე ექსტერიერის. მიუხედავად ამისა, ჩვენ გაცილებით მეტ ყურადღებას ვაქცევთ შემოსასვლელ კარს, ოთახის კარები კი ყურადღების მიღმა გვრჩება.

დაფიქრდით: შემოსასვლელ კარს სახლში შემოსვლისას ან გასვლისას ვიყენებთ, ხოლო ინტერიერის კარი ოთახში პირადი სივრცისა და სიმშვიდის შენარჩუნებაში გვეხმარება. ამიტომ ძალიან ჭკვიანურია ჩვენი ინტერიერისთვის თანამედროვე და ხარისხიანი კარის შეძენა.

მაღალი ხარისხის ნედლეული

სხვადასხვა ნედლეული ამა თუ იმ ამინდზე განსხვავებულად რეაგირებს. ზაფხულში სიცხე ზოგიერთ მასალას აფართოვებს, ხოლო ზამთარში სიცივე — კუმშავს. კონდიციონერის გამოყენების შემთხვევაშიც, იარსებებს დროის მონაკვეთები, როდესაც ის გამორთული გვექნება და სახლი ჩვენი კომფორტის ზღვარზე მეტად გათბება. ისეთი კარის ფლობა, რომელიც მარტივად განიცდის გარემო პირობების ზემოქმედებას, სასურველი არ არის. ზედმეტი გაფართოება და შეკუმშვა ჩვენს კარს ფორმას შეუცვლის და ის ცუდად დაიხურება. როგორც უკვე ვახსენეთ, ასეთი კარი ნორმაზე მეტად ცვდება და გრილ ჰაერსაც მარტივად ატარებს.

თბოგამტარიანობა

ნედლეულის სხვადასხვა სახე სითბოს განსხვავებული ხარისხით ატარებს. მაგალითად, მიწა წყალზე უფრო სწრაფად ცხელდება. თუკი გვსურს კარი, რომელიც სითბოს მარტივად არ იწოვს და შესაბამისად, ჩვენს სახლს ნაკლებად აცხელებს, უნდა ავირჩიოთ ისეთი მასალა, რომელსაც ნაკლები თბოგამტარიანობა აქვს. სწორედ ასეთებია ხე და ალუმინი.

დაიმახსოვრეთ, რომ ეს ფაქტორები ძალაშია არა მხოლოდ ზაფხულში, არამედ ზამთარშიც!

რეკომენდებულია სასურველი კარი იმ მომწოდებლისგან შევიძინოთ, რომელიც თავის პროდუქციაზე პასუხს აგებს და კარის პროფესიონალურ მონტაჟს გვთავაზობს. ხანდახან კედლები იდეალურად სწორი არ არის, ხოლო კუთხეები 90 გრადუსზე მეტადაა დახრილი. “ზოდი”-ში კარის შეძენისას ყველა ეს ფაქტორი გათვალისწინებულია. ჩვენი შიდა და გარე კარების ყველაზე დიდი არჩევანი საქართველოში კი ფანტაზიას უდიდეს გასაქანს აძლევს. ეწვიეთ “ზოდი”-ს რომელიმე ფილიალს ან დარეკეთ ნომერზე 0322 358 000.