გავრცელებული მითები ბუნებრივი ქვის შესახებ

ბუნებრივი ქვა უკვე ათასწლეულებია სახლებსა და ოფისებში გამოიყენება როგორც მოსაპირკეთებლად, ასევე ნაკეთობების დასამზადებლად. ბუნებრივი ქვების პოპულარობა დღითი-დღე იზრდება. ბლოგში მიმოვიხილავთ 5 გავრცელებულ მითს ბუნებრივი ქვის შესახებ.

მითი #1 — ბუნებრივი ქვა რთულად ინახება

რეალობა ისაა, რომ ბუნებრივი ქვა ერთ-ერთ ყველაზე გამძლე ზედაპირის სახედ რჩება ჩვენი სახლის ნებისმიერ ნაწილში. ქვის მოსავლელი კარგი ხსნარის გამოყენება, დაღვრილი სითხის სწრაფად გაწმენდა და ხანდახან ქვის გაპრიალება იმის გარანტი იქნება, რომ ჩვენი ქვა ბუნებრივ ელფერს წლობით შეინარჩუნებს.

მითი #2 — ბუნებრივი ქვა მარტივად ლაქავდება

მართალია, რომ ზოგიერთი ქვა სხვებზე მეტად ლაქავდება. ამის საუკეთესო მაგალითია მარმარილო. მის ზედაპირს აქვს ფორები, რომლებშიც ლაქები მარტივად აღწევს, თუმცა შესაძლებელია მისი დაცვა სპეციალური ხსნარების საშუალებით. დამცავი ხსნარი მთლიანად ისმევა მარმარილოს ზედაპირზე და არ აძლევს ლაქებს ფორებში შეღწევის საშუალებას.

მითი #3 — ბუნებრივი ქვა დიდხანს ვერ ძლებს

ქვა მთებს ქმნის. თუკი იგი ბუნების გამოწვევებს უმკლავდება, პრობლემა არც ჩვენს ოჯახში შეექმნება. )))

მითი #4 — ბუნებრივი ქვა მოდიდან გადადის

ბუნებრივი ქვა თითქმის უთვალავ ფერებსა და ტექსტურებში გვხვდება. ამ მასალის მთელი მშვენიერება იმაში მდგომარეობს, რომ მისი გამძლეობა და ვიზუალი მოდის ცვლილებებს მარტივად უძლებს და ის განსაკუთრებულად საყვარელი მასალაა ინტერიერისა და ექსტერიერის დიზაინერებისთვის.

მითი #5 — ბუნებრივი ქვა ძალიან ძვირია

მზარდი კონკურენციის ფონზე, ბუნებრივი ქვების ფასი ბაზარმა დაარეგულირა და დღესდღეობით ხელსაყრელი ვარიანტი ნებისმიერი ბიუჯეტისთვის არსებობს.

თუკი მზად ხართ თქვენს სახლს ახალი იერსახე მისცეთ, ბუნებრივი ქვა  შესანიშნავი ალტერნატივაა და კიდევ ერთხელ და ხაზგასმით მოდიდან არასდროს გადადის.

არ მისცეთ ამ მითებს საშუალება თქვენი სახლის გალამაზებაში ხელი შეგიშალოთ.