შემოსასვლელი კარის “საიდუმლოებები” ფენ-შუის მიხედვით

ჩვენს  სახლებში, ენერგეტიკა სწორედ შემოსასვლელი კარიდან შემოდის, ამიტომ, დიდი მნიშვნელობა ენიჭება თუ როგორ გამოიყურება, რა ფერის და რა ფორმისაა ის.

ფენ-შუის მიხედვით, შესასვლელი კარის ხასიათზეა დამოკიდებული მთელი სახლისა და მის ბინადართა ბედ-იღბალი. აუცილებელია შესასვლელი კარი შიგნით იღებოდეს –  სხვა შემთხვევაში, კარი სახლში შემომავალ ენერგიას აისხლიტავს.

შემოსასვლელი და ინტერიერის კარები უნდა უნდა იყოს სუფთა და მოვლილი, კიბეები, შესასვლელ კარებთან, არ უნდა იყოს გატეხილი – წინააღმდეგ შემთხვევაში, მფლობელებს მოუტანს უბედურებას. თუ სახლში შესასვლელი ორიენტირებულია სამხრეთის ნაწილში, მაშინ მას შეესაბამება ცეცხლის სტიქია, სასურველია, კარების ორნამენტებში გამოსახული იყოს „ცეცხლის“ ფორმები – სამკუთხედები. ცეცხლის ფერი – წითელია, ამიტომ ყველაზე კარგია შემოსასვლელი შეღებოთ ამ ფერის ელფერით. თუ სახლში შესასვლელი განთავსებულია ჩრდილოეთით, მაშინ მას შეესაბამება წყლის სტიქია, კარების დეკორის ელემენტები უნდა იყოს ტალღისებური ფორმების. წყლის ფერი – არის შავი და ლურჯი. თუ სალხში შესასვლელი მიმართულია დასავლეთით ან სამხრეთ-აღმოსავლეთით, მაშინ მასთან დაკავშირებულია ხის სტიქია. მისი ფერი – არის მწვანე, ლურჯი და ვარდისფერი. თავად კარები ან ელემენტები უნდა იყოს ვერტიკალურად ორიენტირებული ოთხკუთხედების ფორმებით.

დიდი მნიშვნელობა ენიჭება კარისა და ფანჯრების ზომებს. ისინი შესაძლოა, იყოს როგორც სასიკეთო და ადამიანისთვის წარმატების მომტანი, ასევე არასასიკეთო – ბედნიერების დამბლოკავი. მაგალითად, თუ კარის სიგანე  90 სანტიმეტრია, ამ კარიდან თქვენთან წარმატების 6 სახეობა შემოვა. ხოლო, თუ 92-ია, მაშინ შესაძლოა, რაიმე სახის ფინანსური შეფერხებები შეგექმნათ. ასე რომ, სანამ თქვენი საცხოვრებელი სახლის კარს შეარჩევთ, გაითვალისწინეთ კარის სიგანე.